Не само што руските спортисти се мета на она што се случува во Украина, иако немаат никаква врска со тоа, украинскиот претседател Владимир Зеленски го нападна и легендарниот ММА борец Конор Мекгрегор - поради неговата фотографија со Владимир Путин од 2018 година.

Ирските медиуми јавуваат дека Зеленски го критикувал Мекгрегор затоа што се фотографирал со Владимир Путин за време на Светското првенство во Русија во 2018 година.

Мек Грегор ја објави фотографијата на социјалните мрежи.

„Овој човек е еден од најголемите лидери на нашето време и чест ми е што можам да присуствувам на ваков настан покрај него“, изјави тогаш Мекгрегор.

Речиси четири години подоцна таа фотографија стана тема за Зеленски - во разговор со ирските политичари Шон О'Гиргал и Марк Дејли, а на средбата присуствувал и пејачот Боно Вокс.

„Зеленски чувствуваше дека Мек Грегор не ја поддржува Украина“, изјавил Дејли.

Вреди да се спомене дека и Боно Вокс има своја фотографија со Путин.