Украинскиот претседател Володимир Зеленски тврди дека Украина му понудила помош на словачкиот народ за време на периодот на приспособување кон отсуството на транзит на гас од Русија, но дека тоа било одбиено од Братислава.

„Добро е што словачкиот премиер Фицо конечно се врати од својот одмор во луксузен хотел во Виетнам и сега е во Братислава. За него лично, тоа мора да е предизвик - преминувањето од луксузен живот во обидот да ги исправи сопствените грешки“, напиша Зеленски напиша на социјалната мрежа „X“.

Тој тврди дека било јасна грешка Фицо да се надева дека неговите таинствени планови со Москва ќе траат бесконечно.

„За Фицо беше очигледна грешка што веруваше дека неговите матни шеми со Москва може да траат бесконечно.

Ние ја понудивме нашата помош на народот на Словачка за време на нивното прилагодување на отсуството на руски транзит на гас, но Фицо арогантно одби. Многумина во Европа го предупредија дека да не прави ништо и да чека не е опција. Сега, тој прибегнува кон ПР, лаги и гласни обвинувања за да ја префрли вината од себе на некој друг“, истакна Зеленски.

It’s good that Slovakia’s Prime Minister Fico has finally returned from his vacation at a luxurious hotel in Vietnam and is now in Bratislava. For him, personally, it must be challenging—switching from living in luxury to now trying to fix his own mistakes. It was an obvious…

— Volodymyr Zelenskyy / Володимир Зеленський (@ZelenskyyUa) January 12, 2025

Потоа продолжи со објаснување:

„Вистинскиот проблем е што тој се обложи на Москва, не на сопствената земја, не на обединета Европа и секако не на здравиот разум. Од самиот почеток, тоа беше губитнички облог.

Се надеваме дека понатамошната диверзификација на изворите за снабдување со енергија во Европа, соработката со Европската комисија и спроведувањето на политиката на претседателот Трамп за зголемување на американските испораки на гас на континентот ќе помогнат да се одговори на предизвиците предизвикани од кратковидоста на одредени европски личности“, заклучува Зеленски.