Украина не сака да ѝ отстапи ни педа од својата територија на Русија, изјави украинскиот претседател Володимир Зеленски. 

Тој за Си-ен-ен кажа дека дека отстапувањето украинска територија нема да биде дел од дипломатските мировни преговори.

„Украинците не се подготвени да се откажат од својата земја, да прифатат дека овие територии ѝ припаѓаат на Русија. Ова е наша земја. Ние секогаш зборуваме за тоа и имаме намера да го докажеме тоа“, додаде тој.

Од почетокот на инвазијата на 24 февруари, руските сили ја презедоа контролата врз голем дел од територијата низ јужното крило на Украина над Крим. Во повеќе наврати украинските власти кажаа дека нема да прават компромис за територија. 

Рускиот претседател Владимир Путин изјави дека Западот сака да ја победи Русија на „бојното поле“ во Украина и рече „нека се обидат“, што укажува дека Москва „сè уште не започнала сериозни работи“.