Украинскиот претседател Володимир Зеленски ја повика Европската унија да и одобри на неговата земја итно членство. „Апелираме до Европската унија за итно пристапување на Украина по пат на нова специјална процедура“, рече 44-годишниот лидер во новото видео обраќање.

„Нашата цел е да бидеме заедно со сите Европејци и што е најважно да бидеме рамноправни. Сигурен сум дека тоа е фер. Сигурен сум дека тоа е можно“, додаде Зеленски.

Во меѓувреме во гратче на укаринско-белоруската граница во близина на реката Припјат со хеликоптер пристигна делегацијата од Украина на преговори за смирување на ситуацијата.

Кабинетот на претседателот Зеленски соопшти дека во делегацијата се:

Министерот за одбрана Алексеј Резников;

Шефот на фракцијата „Слуги на народот“, Давид Арахамија;

Заменик-министерот за надворешни работи Николај Точицки;

Советник на шефот на претседателскиот кабинет, Михаило Подољак;

Членот на Врховната Рада, Рустем Умеров;

Андри Костин, прв заменик-шеф на украинската делегација во Трилатералната контакт група.

ФОТО:ФБ