Можеби е себично, но сакам сопруг покрај мене, а не историска личност, вели првата дама на Украина, Олена Зеленска. 

Таа во интервју за Би-Би-Си раскажа како војната влијае на нејзиното семејство.

„Но, ние остануваме силни, имаме сила и емотивно и физички. И сигурна сум дека заедно ќе го поминеме тоа“, додаде таа.

Кога Русија ја нападна Украина во февруари 2022 година, Олена Зеленска со месеци се криеше на тајни локации со своите деца.

Таа ја опиша својата емоционална состојба на почетокот на инвазијата како „константно чувство на адреналин“. Како што минуваше времето, таа сфати дека е неопходно да се смири и да почне да живее во воени услови.

Потоа, таа почна да патува низ светот за да се сретне со лидерите и да држи говори.

„Не живееме заедно со мојот сопруг, семејството е разделено. Имаме можност да се гледаме, но не толку често колку што би сакале. На син ми му недостасува татко му”, вели таа.

Таа зборуваше и за тоа како војната влијае на нејзините деца.

„Тешко ми е да гледам како моите деца не планираат ништо. На таква возраст млади луѓе. Мојата ќерка има 19 години. Тие сонуваат за патување, за нови емоции. Таа нема таква можност. Таму се временски ограничувања за тоа што можете да си дозволите, тие постојат и некако се трудиме да живееме во нив“, рече таа.

Со украинскиот претседател Володимир Зеленски се заедно уште од средно училиште. После тоа, тие продолжија да работат заедно во хумористична трупа и ТВ студио, тој како актер, а таа како сценарист.

foto Facebook/Olena Zelenska