Заложничката криза трае повеќе од 11 часа на аеродромот во Хамбург. Локалната полиција посочи дека на аеродромот маж на возраст од 35 години, синоќа со автомобил „ауди“ излета на пистата пред авионот, при што пукал со огнено оружје, но и фрлил два молотови коктели, додека ја држел својата 4-годишна ќерка како заложник.

Кризата започнала во 20 часот и 24 минути, а полицијата околу 23 часот воспоставила контакт со осомничениот.

ZDF-Reporter zum Täter am Flughafen Hamburg:
"Das Einzige, was bislang bekannt ist: Er möchte auf Türkisch angesprochen werden. Was aber im Umkehrschluss nicht unbedingt heißt, dass er türkischer Staatsbürger, Angehöriger oder mit Migrationshintergrund der Türkei ist..." pic.twitter.com/vJXosjGxqO

— Gr@ntlɘr (@oida_grantler) November 5, 2023

Локалниот весник Хамбургер морген пост утринава објави дека преговорите на барање на киднаперите се водат на турски јазик со помош на преведувач.

– Таткото и ќерката изгледаат неповредени – изјави портпаролот на полицијата во Хамбург.

Се вели дека полициски хеликоптери кружат околу аеродромот и ја проверуваат ситуацијата, а во еден момент киднаперот го префрлил автомобилот неколку метри подалеку.

Надлежните на аеродромот, кој се уште не е во функција, соопштија дека поради заложничката криза се прекинати шест полетувања и 21 слетување, а погодени се вкупно околу 3.200 патници.

Некои од патниците кои биле во авионите на пистата морале да останат во авионите до доцна синоќа.

- Го видов пожарот (од молотовиот коктел) и прво помислив дека брзо ќе биде изгаснат. Потоа слушнав дека имало и пукање. Сè беше навистина страшно - изјавил еден од патниците.

Gunman at Germany's Hamburg Airport set fires on the tarmac, fired at least 2 shots into the air before parking his car underneath a plane - Bild pic.twitter.com/6LJuxrS3U7

— TRACKER DEEP (@tracker_deep) November 4, 2023

Медиумите пренесуваат дека сопругата на осомничениот пријавила во полиција дека тој со детето брза кон аеродормот при што посочила дека се работи за можно киднапирање на дете.

Хамбуршката полиција во соопштение наведува дека верува дека „во позадината на оваа операција има спор околу старателството над детет)“.