Во Украина се намалува возраста за мобилизација. 

Украинскиот претседател Володимир Зеленски потпиша указ за намалување на минималната возраст за мобилизација од 27 на 25 години. 

Веста ја соопшти пратеникот Алексеј Гончаренко.  Законот ќе стапи на сила утре.

Украинската влада потоа мора да ги усогласи различните правни текстови во рок од шест месеци за да ја овозможи оваа мобилизација. Зеленски потпиша и закон за укинување на статусот „делумно неподобен за воена служба“. Како што изјави Гончаренко, мажите кои биле вклучени во тој статус ќе мора да направат нов лекарски преглед по девет месеци. После тоа ќе бидат класифицирани само во една од групите – способни или неспособни. Руската инвазија на Украина почна пред повеќе од две години.