Портпаролката на руското Министерство за надворешни работи, Марија Захарова остро реагираше на одлуката на Романија за затворање на рускиот генерален конзулат во Констанца и протерување на конзулот, најавувајќи „соодветни мерки“ од Москва.

Захарова изрази „огорченост“ поради потегот на романските власти и порача дека реакцијата од руската страна нема да доцни.

Таа претходно ги отфрли обвинувањата за наводни руски беспилотни летала што летаат над Европа, оценувајќи ги како неосновани и недокажани.

Одлуката за затворање на конзулатот ја соопшти романскиот претседател Никушор Дан по седница на Советот за национална безбедност.

Тој изјави дека генералниот конзул на Русија во Констанца е прогласен за персона нон грата, а конзулатот ќе биде затворен, по инцидентот во градот Галаци, каде што, според романските власти, руски дрон удрил во станбена зграда и предизвикал експлозија и пожар.

Мајката и синот се со повреди во болница, откако руски дрон удри во нивната зграда.