Не наседнувајте на манипулациите на Западот – Косово и референдумите во Русија не се исто, вели портпаролката на руското Министерство за надворешни работи, Марија Захарова. 

Taa  бара да нема споредби меѓу косовскиот преседан и референдумот што се одржа во четири нови руски субјекти.

„Не наседнувајте на прости формулации. Западот сака да ги користи тие мемиња, клишеа и наметнати тези за своја манипулација“, одговори Захарова.

Вели дека на Косово и Метохија не се одржа референдум, како што беше случајот со украинските референдуми. 

„Кога ќе го слушнам прашањето дали косовскиот преседан служи како преседан за референдуми во Донбас и слично, сакам да ве потсетам дека референдум за тоа прашање на Косово немаше. На Косово немаше референдум, а што се однесува до Крим, Доњецк и Луганск таму се одржаа“, потсети Захарова.

Инаку, поранешниот британски премиер Борис Џонсон го спореди рускиот претседател Владимир Путин со екс српскиот претседател Слободан Милошевиќ и рече дека тој направил грешка што почнал војна во Украина.