Турскиот претседател Реџеп Таип Ердоган денеска изјави дека Турција е решена да ги засили дипломатските напори за да се стави крај на конфликтот меѓу израелските и палестинските сили, но додаде дека решението со две држави е единствениот начин за постигнување регионален мир.

Говорејќи во Истанбул, Ердоган рече дека израелско-палестинскиот конфликт е во центарот на повеќето конфликти и прашања на Блискиот Исток и додаде дека сега е неопходно да се формира независна палестинска држава со Ерусалим како главен град, пренесе Ројтерс.

Милитантната група Хамас во саботата започна напади врз Израел во кои загинаа најмалку 600 луѓе, а повеќе од 2.000 беа повредени, по што израелските одбранбени сили започнаа напади врз Појасот Газа.