Јамајка ја призна државата Палестина.

Владата на Јамајка објави дека донела одлука да ја признае државата Палестина поради загриженоста за конфликтот во Појасот Газа и хуманитарната криза во енклавата.

„Оваа одлука е во согласност со силната посветеност на Јамајка кон принципите на Повелбата на Обединетите нации, кои се обидуваат да поттикнат меѓусебно почитување и мирен соживот меѓу државите, како и признавање на правото на луѓето на самоопределување“, се наведува во соопштението на Министерството за надворешни работи на Јамајка.

Шефицата на дипломатијата на Јамајка, Камина Џонсон Смит изјави дека нејзината држава сака „мирно решение на израелско-палестинскиот конфликт преку дипломатски дијалог, а не воена акција“. Палестинската држава ја признале и 140 земји од ОН.

Портпаролот на вооруженото крило на Хамас, бригадите Ал-Касам, повика на ескалација на сите фронтови во телевизиски говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.