Загинатите во Мариупол ги собираат во вреќи, вели српски новинар
Српскиот новинар Даниел Симиќ се јави од украинскиот град Мариупол и вели дека состојбата таму е многу тешка.
Тој раскажува дека телата на загинатите ги собираат во вреќи. Новинарот се приближил и до фабриката „Азовстал“, каде што постојано се слушале пукотници.
„Постојано се слушаат експлозии. Во Мариупол ситуацијата е тешка, цивилните власти не прават никакви стратешки потези. Сцените се апокалиптични. Видов многу загинати луѓе низ улиците“, открива тој.
Војната трае веќе 56 дена. Украинскиот претседател Володимир Зеленски денеска изјави дека е подготвен да ги замени руските воени заробеници за безбедна евакуација за цивилите и украинските војници од Мариупол. Украинската вицепремиерка Ирина Верешчук на Телеграм објави дека „хуманитарниот коридор од Мариупол денеска не функционира како што било планирано“.
Слично
Поврзани вести
