Пакистан ја обвини Индија за експлозијата во која загинаа седум војници.

Пакистанската армија денеска ја обвини Индија за нападот во Балучистан, во кој загинаа седум пакистански војници, пренесе Ројтерс.

Пакистанската војска соопшти дека членовите на Ослободителната војска на Балузи (БЛА), за кои рече дека се „индиски посредници“, целеле возило со импровизирана експлозивна направа во немирната југозападна провинција Балучистан.

Индиското Министерство за надворешни работи не одговори веднаш на барањето за коментар. Пакистан ова го нарече срамен чин и вети одговор. 

Пакистанските вооружени сили се во состојба на висока готовност од минатата недела, откако министерот Аталах Тарар изјави дека Исламабад има доверливи разузнавачки информации дека Индија би можела да го нападне Пакистан  како одговор на нападот од 22 април во туристичкиот град Пахалгам во Кашмир, во кој загинаа 26 туристи, претежно хиндуисти. Пакистан негираше каква било улога во нападот и понуди да спроведе меѓународна истрага.