Ескалираа судирите меѓу Тајланд и Камбоџа, откако загинаа најмалку 12 луѓе, а над 40.000 цивили од 86 села мораа да се евакуираат.

Тајландски ракети и камбоџанска тешка артилерија се веќе во употреба, а ситуацијата станува сè поопасна. Камбоџа тврди дека тајландската армија извршила напад на две нејзини провинции.

Двете држави ги повлекоа своите амбасадори. Напнатоста кулминираше откако тајландски војник изгуби нога од мина, а уште четворица се ранети. Ситуацијата предизвикува сериозна меѓународна загриженост.