Загина украински фоторепортер, татко на четири деца, а телото е најдено кај Киев
Пронајдено e телото на 40 годишниот Макс Левин, фоторепортер кој загинал во близина на украинскиот главен град Киев. Левин, татко на четири деца, работел со украински и меѓународни медиуми.
Тој исчезнал на 13 март додека бил на задача. Неговото тело е пронајдено на 1 април во близина на селото Хута-Межихирска. Тој бил со друг новинар, Алексеј Чернишов. Засега не се знае каде е Чернишов. Во 2014 година, Левин успеа да побегне од источна Украина каде што беа убиени стотици украински војници.
Ова не е прв ваков случај. Досега во војната загинаа повеќе новинари и медиумски работници.
Mладата украинска новинарка Олександра Кавшинова е убиена кон средината на март во нападот во кој беше ранет новинарот на „Фокс њуз“ Бенџамин Хол, а убиен е и снимателот Пјер Закржевски. Таа имаше само 24 години.
Војната во Украина почна пред 38 дена.
Слично
Поврзани вести
