За предавство во Украина е донесен закон кој предвидува казна од 15 години, па дури и доживотна затворска казна. Претседателот Влодомир Зеленски го потпиша овој закон. 

Зеленски претходно изјави дека некои политичари во Украина бараат врски со Русија и работат на поделба на општеството.

„Добиваме различни сигнали дека некои политичари повторно бараат врски со Русија. А некои други работат на расцеп, спротивно на единството“, изјави Зеленски. 

Како што стои на веб-страницата на Врховната рада, изгласан е амандман на законот за враќање на огненото оружје и муницијата на цивилите за да се заштити земјата за време на војната и предвидува дека цивилите не се одговорни за употребата на огнено оружје против лица кои вршат вооружена агресија. 

Покрај тоа, граѓаните на Украина имаат можност да учествуваат во одбивањето и одвраќањето на вооружена агресија од страна на Руската Федерација и/или други земји, користејќи сопствено наградно оружје, спортско оружје (пиштоли, револвери, пушки), ловечки пушки, или комбинирани залихи оружје. За кражба, разбојништво, изнуда или проневера на имот во вонредна состојба се заканува затворска казна од 5 до 15 години, во зависност од тежината на делото. За разбојништво на боиште едно лице ќе се казни со затвор од 5 до 10 години.

Не може да има напредок во мировните преговори додека Русија не престане да пука врз цивилите кои се обидуваат да избегаат преку хуманитарните коридори, предупреди главниот украински преговарач Михаил Подољак во ексклузивно интервју за британски Телеграф. 

Што се однесува до смртта на неговиот колега, украинскиот преговарач Денис Киреев, Подољак истакна дека тој починал додека извршувал задача во интерес на украинската држава. Тој ги негираше руските тврдења дека Киреев е убиен за предавство.