Во Франција четири лица се уапсени во врска со истрагата за нападот во Ница, во кој загинаа 84 лица.

Полицијата информира дека дека три лица се уапсени рано изутрината, а уште еден е уапсен претходниот ден. Жената на возачот , исто така, ќе биде однесена на сослушување за да утврдат мотивите на напаѓачот.

Напаѓачот кој беше Французин со туниско потекло е идентификуван како 31-годишниот Мохамед Лаолеј Булел. Тој беше застрелан од полицијата.

Француските власти се обидуваат да утврдат дали тој делувал сам или имал соучесници и дали неговите мотиви за нападот се поврзани со радикалниот ислам.

Булел е роден во Тунис, но се преселил легално во Франција. Неговиот татко за француската телевизија кажа дека тој не бил религиозен и не одел ниту во џамија. Во Франција се одржува тридневна жалост за жртвите од нападот во Ница.