По земјотресот, Камчатка се поместила за 2 метри.

За ова зборуваше директорот на Камчатскиот огранок на Обединетата геофизичка служба при Руската академија на науки, Данила Чебров, за Известија.

„Поместувањето е директен резултат на силен земјотрес. Затоа, таму нема да се случи ништо дополнително, освен она што следи како дел од процесот на афтершокови. А сеизмичкиот процес на Камчатка не запре сам од себе“, изјавил експертот.

Тој посочил дека полуостровот постојано е во движење бидејќи се движат и литосферските плочи.

Земјотресот на Камчатка се случи на 30 јули. Поради силниот земјотрес, на брегот на заливот Авача беше прогласена опасност од цунами.

Потоа имаше афтершокови. На 4 август, експерти соопштија дека во текот на денот се регистрирани 7 значајни земјотреси во Камчатка. Прецизирано е дека само за еден ден во регионот биле евидентирани повеќе од 85 сеизмички настани.

Фото: EPA/GEOPHYSICAL SURVEY OF THE RUSSIAN ACADEMY OF SCIENCES HANDOUT HANDOUT EDITORIAL USE ONLY/NO SALES