Најмалку 25 лица загинаа во денешниот бомбашки напад на џамија во Кувајт.

Експлозијата во шиитиската џамија Имам Ал - Садек, во градот Кувајт во текот на молитвата ја извел бомбаш самоубиец, пренесува Ројтерс, цитирајќи ја веста од Твитер на кувајтскиот весник Ал -Џарид.

Кувајтскиот емир, шеик Сабах ал-Ахмед ал Џабер ал-Сабах, го посетил местото на несреќата, осудувајќи го нападот како обид за закана на националното единство во Кувајт.

-Мета на овој инцидент е наш внатрешен фронт, наше национално единство - рекол кувајтскиот емир после приликата на посетата на повредените во болницата.

Шеикот Џабер, меѓутоа нагласил дека „тоа за нив е премногу тешко“, и дека Кувајт е многу силен.

Групата Исламска држава во соопштение на социјалните мрежи ја презеде одговорноста за нападот на шиитската џамија во Кувајт, наведувајќи го извесен Абу Сулејман ал-Мувахед како извршител.

Според соопштението на ИД во експлозијата се „убиени и повредени десетина лица“.

Погледнете го видеото: