Директорот на ЛУКОИЛ почина откако мистериозно паднал од прозорецот на шестиот кат во болницата во Москва. Извештаите велат дека Равил Маганов (67) починал веднаш штом удрил на плочникот. Како што јави Тасс, Маганов бил хоспитализиран поради срцев удар, а земал и антидепресиви.

Смртта на Маганов е последната во серијата мистериозни смртни случаи на руски енергетски челници кои починаа под сомнителни околности од почетокот на војната во Украина.  

Маганов е претседател на најголемиот руски снабдувач со нафта, ЛУКОИЛ, од 2020 година, а во 2019 година беше одликуван со Орден Александар Невски. Тој беше на високи позиции во компанијата, која им служеше на голем број големи европски земји, вклучително и Германија, откако се приклучи на одборот во раните 1990-ти.

Нема официјални информации за причината за смртта, според информациите, полицијата е на лице место и ги истражува причините за смртта.

Починатиот енергетски магнат зад себе го остава својот брат Наил Маганов (64), кој раководи со друга нафтена компанија „Татнефт“, откако тргна по стапките на својот татко и влезе во нафтената индустрија.