Четири лица кои се возеле во возило на Брза помош загинаа кога нивното комбе директно се судрило со автобус полн со деца во Италија.

Страшна несреќа се случила вчера во тунелот Ка' Гулино, во градот Урбино. Седум други лица од автобусот се повредени.

Според италијанските медиуми, до несреќата дошло кога комбето на Брзата помош преминало на спротивната лента и директно се судрило со автобус во кој се превезувале деца на возраст од 7 до 11 години, придружувани од свештеник и неколку возрасни лица. Тие се враќале од патување кога се случил сударот.

По несреќата комбето се запалило.

Сите четири лица во комбето загинаа: тројца медицински лица и еден пациент што ги превезувале во локалната болница.

#PesaroUrbino, dalle 15:38 intervento #vigilidelfuoco per incidente stradale e successivo incendio nella galleria Ca' Gulino lungo la SS73 Bis, coinvolti un pullman e un'ambulanza: tragico bilancio, decedute le 4 persone a bordo del mezzo di soccorso [#27dicembre 19:00] pic.twitter.com/jN0vYT0FZD

— Vigili del Fuoco (@vigilidelfuoco) December 27, 2023

Меѓу децата имало само неколку полесни повреди, додека сите се во шок. Некои плачеа и ги повикуваа своите родители.

Судејќи според сликите од местото на настанот, брзата помош барем делумно преминала на спротивната лента додека се свртела во тунелот, заглавувајќи се под предното тркало на автобусот.

Rallentamenti per traffico deviato su strada SS73 bis tra Urbino e Fermignano a causa dell'incidente tra un pullman e un'ambulanza in galleria Ca' Gulino. Il mezzo di soccorso si è incendiato. La #PoliziaStradale di Pesaro sul posto per gestire la viabilità #27dicembre pic.twitter.com/RYsDdjECSt

— Polizia di Stato (@poliziadistato) December 27, 2023

Во тек е истрага која ќе покаже како дошло до несреќата.