Албанија е лидер според бројот на убиства со огнено оружје. Во оваа јужноевропска земја со население од 2,5 милини има 1,5 пати повеќе убиства со огнено оружје, отколку што има во САД, пренесува сајтот „Франс ТВЕ инфо”. Во 2013 година во Албанија имало 5,86 убиства со огнено оружје на 100.000 луѓе наспроти 3,55 во САД. Ова ја прави Албанија првак според овој показател на Балканот. Веднаш зад неа доаѓа Црна Гора, а најмалку погодена земја во регионот е Бугарија. Студијата, на кoja се повикува сајтот, е направенa од Институтот кон Вашингтонскиот универзитет во Сиетл, што се занимава со истражување на светското здравје.