Во руската Ростовска област вчера е прогласена вонредна состојба поради приливот на бегалци. Вонредна состојба е прогласена во областа Воронеж во Русија поради масовно пристигнување на граѓани кои се евакуираат од Донбас, во источна Украина.

Според регионалната влада, вонредната состојба е прогласена поради зголемениот прилив на луѓе од самопрогласените Луганска и Доњецка народна република, пренесува РИА Новости.

Констатирано е дека е неопходно да се искористат сите ресурси со цел евакуираните што побрзо и поудобно да бидат сместени во центрите за привремено сместување, пренесува Танјуг. Утрово во Воронеж пристигна првиот воз со евакуирани граѓани на Донбас – 910 лица, меѓу кои 358 деца.

Наскоро се очекува уште еден воз, со приближно ист број патници. Самопрогласените републики Доњецк и Луганск во источна Украина во петок најавија почеток на евакуација на граѓаните во Русија, наведувајќи дека Киев наскоро ќе започне операција во Донбас.