Во најновата анкета на Ројтерс, финансиските експерти очекуваат пад на профитот на компанијата од системот S&P 500  во третиот квартал за 3,9 одсто во однос на истиот период минатата година.

Поради бавниот рас на кинеската економија, ниските цени на нафта и сировина, како и високиот курс на доларот, се намалуваат и очекувањата за наредниот квартал.

Поедини аналитичари затоа предупредуваат на опасност од „рецесија на заработката“, аналогно на економската рецесија, односно пад на бруто домашниот производ два квартали по ред.

На Волстрит S&P 500 индексот е во минус околу 9,0 одсто во однос на рекордното ниво од 21 мај, бидејќи забавувањето на кинеската економија и глобален пазар, како и несигурноста по прашање на каматите во САД, предизвикале остар пад на акциите во последните месеци.

Пазарот е под притисок и поради намалените процени на бизнис резултатите на компанијата. Односот помеѓу негативните и позитивните најави на компанијата од S&P 5 00 индексот за тековниот квартал изнесува 3,2 спрема 1,0.

Поради тоа, аналитичарите во последните месеци остро ги намалиле проценките на заработка во третиот квартал во однос на проценки во анкета за Ројтерс од 1 јули кога очекувале пад на профитот за 0,4 одсто на годишно ниво.

Со оглед на стрминиот пад на цената на нафтата во изминатите година дена, највисок пад на добивка се очекува во нафтениот сектор, за 64,7 одсто во однос на истиот период лани.