Со измешани чувства заврши сесијата на водечките европски пазари. Обновата на услужниот сектор во Кина го поддржа позитивниот тренд на повеќето од пазарите, но „Volkswagen“ (VW) повторно предизвика превирања поради нов скандал со манипулација на штетните гасови, овој пат на бензински автомобили.

Регионалниот „STOXX Europe 600“ се зголеми за 0,5%. Во Германија „DAX 30“ се намали за 0,97% до 10 845 поени поради притисокот на акциите на „VW“, кои поевтинија за 9,5%. Во Велика Британија „FTSE 100“ додаде 0,46% до 6 413 поени, а во Франција „CAC 40“ се зголеми за 0,24% до 4 948 поени.

Уште синоќа германскиот автомобилски производител призна дека открил „необјаснети недоследности“ во емисиите на јаглерод диоксид на 800 илјади автомобилот во Европа. Првичните проценки покажуваат дека тоа ќе ја чини компанијата околу 2 милијарди евра.

Проблемите на „VW“ се одразија на пазарните проценки и на другите германски производители на автомобили, вклучувајќи го и конкурентот „Daimler“.

Акциите на „Glencore“ поскапеа најсилно во составот на регионалниот индекс, откако рударската компанија најави дека е на пат да го намали долгот и да ја зголеми ликвидноста благодарение на продажбата на средства.

Акциите и на другите компании забележаа растови во денешната сесија. Пазарната проценка на „Anglo American“ се зголеми за 3%, а на „BHP Billiton“ - за 1%.

И покрај падот на цените на нафтата, акциите на енергетските компании „Subsea 7“ и „Seadrill“ завршија со раст од над 5 отсто.

Пазарната проценка на „Marks & Spencer“ се зголеми за 2,8%, иако пријави пад на профитот, откако компанијата објави дека ги зголемува очекувањата за оваа година.

Акциите на „ING“ запишаа остар раст непосредно по објавувањето на финансиските резултати, кои сепак се забавија со 2% подоцна во сесијата. Компанијата забележа малку подобри резултати од очекуваните поради падот на залихи за проблематичните кредити и растот на нето каматните приходи.