Трошењето пари за истражување за нови наоѓалишта на јаглен, нафта и гас поради војната во Украина е изговор и „заблуда“, смета генералниот секретар на ОН, Антонио Гутереш.

Шефот на ОН вели зголеменото ископување на јаглен ќе го зголеми влијанието на „чумата од војната, загадувањето и климатската катастрофа“, додавајќи дека обновливата енергија е мировен план за 21 век.

Во видео обраќањето на шестиот Светски самит во Австрија во Виена, Гутереш ги предупреди земјите околу нивното континуирано потпирање на фосилните горива, велејќи дека националните планови за намалување на емисиите на јаглерод „едноставно не се доволно добри“.

Укажа на неусогласеноста меѓу ставовите на научниците и граѓаните кои бараат акција и бавноста на владите кои „се влечат“.

- Војната во Украина повторно се фокусираше на фосилните горива во многу земји кои се загрижени за енергетската безбедност и се обидуваат да го зголемат сопственото производство на фосилни горива за да бидат помалку зависни од руските резерви. Голем број земји сигнализираа дека ќе согоруваат повеќе јаглен на краток рок, додека други се обидуваат да го зголемат увозот на гас. Европската унија како целина сака да ја прекине зависноста од руската нафта и гас до 2027 година, но лидерите признаваат дека несомнено ќе се користат повеќе фосилни горива во следните три години - пишува „РТС.рс“.

Во својот говор, Гутереш повтори дека овој краткорочен одговор може да ја затвори вратата за реализација на клучните климатски цели.

Со Парискиот климатски договор, државите се согласија да се обидат да го ограничат растот на глобалната температура на 1,5 степени Целзиусови во овој век, во однос на нивото од прединдустриската ера. Ова значи дека емисиите на гасови кои ја загреваат климата мора значително да се преполови до 2030 година.

Гутереш оцени дека новите проекти за истражување на нафта и гас и изградба на дополнителна инфраструктура за фосилни горива се „залажувачки“ и го повтори својот претходен апел за брзо укинување на употребата на јаглен и драстично зголемување на потрошувачката на енергија од обновливи извори како што се ветерот и сонцето.

- Ако во минатото инвестиравме многу во обновливите извори на енергија, немаше да бидеме толку драматично на милост и немилост на нестабилноста на пазарите на фосилни горива - рече тој.