Обновата на економијата до нивото од пред конфликтот ќе потрае повеќе од 20 години, се наведува во извештајот на ММФ.

Бруто домашниот производ на Сирија (БДП) се намалил за 57% во периодот од 2010 година до 2015 година, а обновата на економијата до нивото од пред конфликтот меѓу владата и опозициските групи,  може да потрае две децении. Според извештајот производството на нафтено-гасниот сектор во земјата се намалуваат со 28% годишно од 2011 година до 2015 година. Последиците од војната се исто така пад на производството и извозот на стоки, разурнувања на инфраструктурата, недостиг на електрична енергија за индустријата, тешкотии при наоѓање на финансирање на економијата.

Според извештајот пред конфликтот Сирија презела мерки да ја поддржи економијата и да ја намали зависноста од производството на нафта и гас. Иако нивото на невработеност и сиромаштијата биле високи, инфлацијата во земјата била контролирана и ниска, а енергетските субвенции биле намалени.

Во 2010 година населението во земјата изнесувало 22,1 милиони луѓе, а во моментот е околу 20% помалку. Околу 4,7 милиони луѓе избегале од Сирија во соседните земји, 900 000 побарале азил во Европа, а 7,6 милиони луѓе во земјата се внатрешно раселени.

Во извештајот се поставува и  прашањето што треба да се направи, откако ќе заврши конфликтот. На краток рок економските мерки треба да се фокусираат на сиромашните, а откако обновата ќе започне, ќе треба да се насочи кон секторите надвор од нафтениот, изградба на јавните институции, спроведување на обуки и воведување на технологија за зголемување на продуктивноста.