Се огласи германскиот претседател!

Војната на рускиот претседател Владимир Путин против Украина е исто така „војна против европското единство“, предупреди во неделата германскиот претседател Франк-Валтер Штајнмаер.

„Војната на Путин против Украина е и војна против европското единство. Не смееме да дозволиме да не поделат, не смееме да го уништиме големото дело на обединета Европа што го започнавме со толку многу надеж“, рече тој во говорот во Падерборн, во западниот дел на земјата. 

„Оваа војна не е само за украинска територија, туку двапати ги погодува заедничките основи на нашите вредности и нашиот мировен поредок“, додаде тој.

Тој рече дека „да се бранат тие вредности и да се биде нивен гарант значи истовремено да се биде подготвен да прифати болни непријатности“, без да каже повеќе за тоа што сакал да каже со тоа.

„Дали сме подготвени за тоа? Сите се соочуваме со тоа прашање - денес и во деновите, неделите и месеците што доаѓаат“, рече тој. 

„Русија не престанува да ги оспорува границите, не запира со окупацијата на територијата на независна и суверена соседна земја, туку оди дотаму што ја оспорува украинската државност“, заклучи тој.

фото: YOUTUBE/PRINTSCREEN/PBS NEWSHOUR