Додека мнозинството руски граѓани не се свесни за реалноста на воениот конфликт што се случува на територијата на Украина, заштитенИ од лоши вести преку цензура на државните медиуми и пропагандата на Кремљ, еден руски град не може да престане да зборува за настаните долж границата и стравува дека војната наскоро ќе дојде и на неговата врата.

Станува збор за Белгород, оддалечен само четириесетина километри од границата со Украина, која деновиве е преполна со руски војници кои побегнаа од боиштето во регионот Харков, како и со Руси и проруски Украинци кои со раширени раце ги пречекаа руските окупатори.

Како што известуваат новинарите на Wall Street Journal и New York Times, во градот често може да се видат воени камиони и оклопни возила означени со „Z“, уморни војници во униформа кои купуваат топла облека и друга опрема.

Граѓаните можат да слушнат како проектили паѓаат во далечина, одекнуваат експлозии, а во најјужниот кварт повремено паѓаат остатоци од уништена муниција.

„Има многу гласини, луѓето се плашат“, рече еден млад човек кој продава опрема за лов и кампување, - некогаш за рекреативци, но сега најмногу за руски војници - на новинарот на NYT. Се плаши и 21-годишната воспитувачка од градинка, која рече дека минатата недела дел од граната паднал врз градинката. „Сите се плашиме, а особено е тешко ако работите со деца“, истакна таа. „Децата почнуваат да трчаат во кругови и да викаат „Ракети!“, а ние им велиме дека е само гром“.

„Мислам дека ова е крајот. Русија ја загуби војната, а Путин заврши. Сепак, не сум сигурен дека ова е добра вест...'

„Сите мислат дека во случај на смрт на Путин, војната во Украина ќе заврши. Голема грешка! Ќе се влоши“

Харков во темнина

На војниците кои избегаа преку граница засега им е кажано дека следна задача ќе им биде само чување на границата. „Украинците сега имаат многу повеќе опрема. Друг војник е сè уште оптимист: „Ќе победевме одамна да не се боревме со Америка, но сепак ќе победиме“.

Иако многу граѓани се незадоволни од развојот на настаните на бојното поле, за неуспехот на руската армија првенствено ги обвинуваат руските команданти, а не Владимир Путин. Многумина сè уште ја поддржуваат неговата одлука да ја започне инвазијата. „Не може толку многу наши млади луѓе да умреле залудно“, изјави еден од граѓаните за WSJ.