Русија се подготвува за тестирање на нови воени роботи чија улога ќе биде да ги заштити локациите на кои се наоѓаат интерконтиненталните ракети, а кои се тешко пристапни за луѓе. Веста се појави само месец дена откако руското Министерство за одбрана го одобрило амбициозниот проект кој има за цел интерконтиненталните балистички ракети да бидат подготвени за лансирање до 2020 година.

Тестирањето на напредната воена роботика е дел од тој истиот проект, а планот е да бидат во употреба пред 2025 година

Од Министерството за одбрана соопштиле дека воените роботи се иднина и главен приоритет на Русија, без разлика на големината на државата и непристапноста на одредени предели.