По руските напади во Украина, 1.100 населени места сè уште се без струја. 

Станува збор за 1.162 места. Информацијата ја потврди Олександер Хорунџи, портпарол на службата за вонредни состојби.

Тој соопшти дека од 7 октомври околу 4.000 населени места останале без струја по воздушните напади извршени од руските сили..

Претседателот на Украина, Володимир Зеленски, изјави дека 30 отсто од електричните инсталации во земјата биле оневозможени во руските напади минатата недела. Руски проектили ја гаѓаат украинската електрична мрежа од 10 месецов. 

Градоначалникот на Киев, Виталиј Кличко, ги повика жителите на главниот град на Украина да штедат струја и да набават вода за пиење.

Делови од Киев останале без струја по нападот на „два објекти од критична инфраструктура“.