Англискиот сајт специјализиран за вести од арапскиот свет „Ал Арабија“ известува дека на Блискиот Исток одлично оди продажбата на блиндирани автомобили, воглавно оние од САД.

Продажбата на блиндирани автомобили е во пораст во земјите на Блискиот Исток, како Ирак, Јордан, Либан, Сирија и Јемен, како и во земјите како Aвганистан, Сомалија и Либија.

Американската фирма „Texas Armoring Corporation“, специјализирана за производство на вакви видови возила во последните две до три години во овој регион бележи годишен раст од 15 посто, а нивните најверни клиенти се богаташи кои се плашат од киднапирање.

Проблемот е во тоа што оваа индустрија доживува силни подеми и падови, меѓутоа поттикот за продавање е многу едноставен, објасни Patrick Aouad, претседател на управата на фирмата Јака Груп која само оваа година продаде 300 блиндирани автомобили.

Aouad смета дека во случај Сирија да биде нападната и стане како Ирак, би можело продажбата да достигне од 1.000 до 1.500 блиндирани возила.

Моментално во регионот се продаваат околу 3.000 блиднирани возила годишно.