По кратка пауза и олеснување како резултат на намалувањето на бројот на инфекции со корона вирусот, светот сега е повторно во страв поради предупредувањето дека таканаречениот Делта сој се шири побрзо отколку што се веруваше, поради што некои земји се засилија епидемиолошките мерки повторно, а словенечките инфектолози испратија важна порака до луѓето кои имаат примено само една доза од вакцината против корона вирусот.

Според инфектолозите од Националниот институт за јавно здравје на Словенија (НИЈЗ), со делта варијанта може да се заразат и оние кои се вакцинирани само со првата доза на вакцината.

Од друга страна, како што е истакнато, охрабрува фактот што оние кои биле целосно вакцинирани развиваат заштита и против новата варијанта. Исто така, не се пријавени повторни инфекции со оваа варијанта кај оние кои веќе биле заразени со корона вирусот и ја надминале состојбата.

Сепак, вистинскиот проблем е фактот дека недоволно граѓани ширум светот се уште не се вакцинирани, така што Португалија, поради ненадејното зголемување на бројот на заразени, е принудена повторно да воведе полициски час во некои општини, вклучувајќи го и главниот град Лисабон и градот Порто. Полицискиот час од 23 до 5 часот стапува на сила во петок во 45 општини низ целата земја.

Повеќето од новите заразени случаи се невакцинирани млади луѓе, што беше потврдено и од словенечките инфектолози - дека младите и луѓето кои не примиле вакцина, најверојатно ќе бидат погодени први од новиот вид.