Во Боливија секој ден по еден лекар умира од коронавирусот. 

Лекарите бараат владата да воведе строго затворање на земјата и се закануваат дека ќе престанат да примаат нови пациенти, затоа што има нагло зголемување на случаите на Ковид-19, при што просечно умира по еден лекар на ден, а здравствениот систем е пред пукање, пренесува „Ројтерс“.

Бројот на нови дневни случаи на коронавирус во Боливија, која вчера ја прими првата серија руски вакцини „спутник V“, достигна рекорд од 2.866 оваа недела, а бројот на починати се искачи на повеќе од 10.000. Сега има голема гужва пред и во болниците во боливиските градови, а натписите на вратите и sидовите ги предупредуваат сите дека нема место за нови пациенти. Лекарите очекуваат целосен колапс. 

Земјите од Латинска Америка се погодени од вирусот. На 11-то место во светот по бројот на заразени  е Колумбија, 12-та е Аргентина, а зад неа е Мексико. На 18-то место е Перу. Боливија е на 52-та позиција во светски рамки по бројот на заразени.