Фејсбук блокираше 30.000 лажни профили во Франција, за да го спречи ширењето лажни вести, дезинформаци и спамови.

Десет дена пред првиот круг од претседателските избори во Франција, Фејсбук ја презеде оваа мерка против профилите, кои ги нарушуваат условите за користење на социјалната мрежа.

Компанијата е подложена на силен притисок во Европа. Владите во повеќе земји се закануваат со нови закони и казни, ако Фејсбук не ја отстрани екстремистичката пропаганда и други содржини, со кои се нарушуваат локалните закони.

Притисок се врши и врз Твитер, Гугл, Јутјуб во пресрет на изборите во Франција и Германија.

Првиот круг на досега најнеизвесните избори во Франција ќе се одржи на 23 април а вториот е закажан за 7 мај. Французите го бираат својот нов претседател.