Според податоците на сајтот GlobalPetrolPrices.com за минатата недела, Бугарија е меѓу европските земји со најевтин бензин. 

Уште поевтин е во Белорусија, Русија, Молдавија, Украина и Босна и Херцеговина.

По Бугарија со незначителна разлика доаѓаат Македонија, Романија и Полска. 

Во Европа најскап бензин има Норвешка. Оваа земја спроведува строга политика на ограничување на користењето на овој вид гориво и обезбедува сериозни стимулации при купување на електрични возила.

Норвешка го држи и светскиот рекорд на скап бензин меѓу 170 набљудувани земји. На спротивна страна е Венецуела со цена од само 0,01 долари за литар. 

Инаку очекувано најевтин е бензинот во Саудиска Арабија - 0.24 долари за литар.