Над 1100 вторични потреси се регистрирани во Централна Италија по силниот земјотрес со интензитет од 6,5 степени по Рихтер.

Италијанскиот премиер, Матео Ренци вети дека властите ќе направат сè што е можно за да го обноват домовите на луѓето, но и сите историските згради и катедрали, настрадани во земјотресот. 

Секундарен земјотрес од околу 5 степени по Рихтер ги исплаши повторно и жителите на регионот на селото Сант Анџело, Перуџа, каде што повеќето куќи се урнати.

Локалните жители уште не го надминаа шокот и последиците од големиот земјотрес.

По земјотресот околу 22 000 лица веќе се сместени во привремени живеалишта, но според експертите, бројот на луѓе без покрив е многу поголем. Околу 9 милијарди евра ќе бидат потребни за обнова на погодените области.