Во Херсон нема да има референдум за спојување со Русија

Свет
05 сеп 2022

Во Херсон нема да има референдум за спојување со Русија

Поради украинските напади, нема да има референдум во Херсон за приклучување кон Русија. Откажувањето е поради безбедносни причини.

Официјален претставник назначен од Русија во украинската област Херсон денеска изјави дека плановите за одржување референдум за приклучување кон Русија се „одложени", објави руската државна агенција ТАСС.

Кирил Стремусов, заменик-шеф на воено-цивилната регионална администрација назначена од Русија, изјави дека виталниот мост Антонивски, кој се протега на реката Днепар во близина на градот Херсон, е непрооден за автомобили по неколкунеделното украинско гранатирање. Во март Русите го зазедоа овој дел од Украина.

Но, Украина минатата недела објави дека започнала контраофанзива за повторно заземање на регионот по неколку недели гранатирање на мостови и складишта за муниција. Русија на 24 февруари ја почна инвазијата на Украина.

фото ЕПА