Двајца добитници ќе го поделат овогодинешното признание Нобелова награда за мир. Пакистанското девојче Малала Јусафзеј и 60-годишниот Каилаш Сатијарти се добитниците на наградата годинава заради нивната борба против репресијата на децата и младите и за правото на сите деца за образование. „Децата мора да одат на училиште и финансиски не смеат да се искористуваат“, изјави претседателот на норвешкиот Нобелов комитет кој ја доделува наградата Торбјорн Јагланд. Сега 17-годишната Малала ја предводи кампањата за  образование на девојчињата во Пакистан. Сатијарти  ги промовира идеите на некогашниот индиски лидер Махатма Ганди и предводеше протести чија цел беше да се спречи финансиско искористување на детскиот труд во Индија.