Околу 560.000 здравствени пропусници во Франција се во опасност од деактивирање, соопшти тамошното Министерство за здравство, откако денеска стапуваат во сила новите правила за зголемена доза на вакцини против коронавирус за сите возрасни лица.

Почнувајќи од денес, возрасните кои примиле втора доза на вакцина против коронавирус пред повеќе од седум месеци, мора да добијат и трета дополнителна вакцина за да ја задржат валидна пропусницата.

Овие сертификати нудат доказ за вакцинација или прележување на болеста и се задолжителни за влез во ресторани, кафулиња, културни настани и други места. Владата почна да ги заострува правилата за пропусниците во средината на декември.