Дигитални здравствени пропусници во ЕУ ќе почнат да функционираат од јуни. 

Пропусницата, издадена од лекар или здравствена установа, ќе содржи QR-код со информации дека патникот е вакциниран против коронавирусот или е негативен на тестот. Испечатен на хартија или зачуван во апликација на смарт телефон, кодот ќе биде доказ дека сте имуни.

Апликацијата ја изработуваат членките на ЕУ. Франција веќе тестира апликации за летовите. Тимот на „IBM“ во Германија развива апликација за корисниците и втора „контролна“ апликација што ќе ја користат, на пример, стјуардесите или полицајците на границите. Зелената боја ќе значи дека пропусницата е автентична, а црвената не.

Европската комисија планира да распише тендер за централен систем што ќе овозможи поврзување на различни национални апликации и на тој начин да се обезбеди патување меѓу членовите. Треба да се утврди како ќе се третираат патниците надвор од ЕУ.