Во Обединетото Кралство вчера се евидентирани 33 нови смртни случаи од ковид 19, што е најниска бројка од октомври наваму, а особено радува ако се имаат предвид пиковите од над 1000 смртни случаи дневно во јануари и февруари.

Седумдневниот вкупен број на смртни случаи беше 640, што е пад од 37 отсто во споредба со претходниот седумдневен период, јави Ројтерс.

Повеќе од 27,6 милиони луѓе во Велика Британија, што е над половина од возрасната популација, примиле барем една доза на вакцина COVID-19, покажаа официјалните податоци вчера, откако беа администрирани дневни рекордни дози на вакцини од 844.285 дози во текот на претходниот ден. 

Околу 2,2 милиони луѓе ги имале двете дози на вакцина, покажаа податоците.

„Овој тимски труд го покажува најдоброто од Велика Британија“, објави на Твитер министерот за здравство Мет Хенкок, поздравувајќи го вториот дневен рекорден број на дози администрирани за толку денови.

Претходно, Владата даде поголема бројка за дневниот број на дози на вакцини администрирани во саботата. Ханкок рече дека бројката е ревидирана надолу, откако прилагодените податоци дојдоа од Шкотска, но новата бројка сè уште е дневен рекорд во Велика Британија.

Премиерот Борис Џонсон ги повика сите да прифатат вакцина кога ќе бидат поканети да примат вакцина.