Потврдени се речиси 450.000 смртни случаи од коронавирусот во Бразил. 

Бразил регистрираше 790 нови смртни случаи во изминатите 24 часа и уште 37.498 новозаразени, објави Министерството за здравство. Во Бразил досега се потврдени 449.858 смртни случаи од Ковид-19 и повеќе од 16 милиони ковид случаи.  Индија пак надмина над 303.000 починати. Заедно со САД, Индија и Бразил се на врвот по бројот на ковид случаи. 

Здравството во 19 земји е пред колапс поради недостиг на кислород. 

Тука спаѓаат Индија, Аргентина, Иран, Непал, Филипини, Малезија, Пакистан, Аргентина, Костарика, Еквадор и Јужна Африка. Тие важат за најранливи откако од март имаа огромно зголемување на побарувачката на кислород од најмалку 20 проценти.