Проруската пратеничка од Доњецк, Марија Пирогова (29) загинала во украинското гранатирање, објавија руските власти. 

Таа е пратеник во Парламентот на Доњецк од 2018 година и ја претставуваше проруската страна.

Денис Пушилин, лидерот на самопрогласената Народна Република Доњецк, објави дека Марија Пирогова е убиена во битка, пренесува „Euro Weekly News“.

„Таа беше пример за добрина. Беше навистина благородна личност. На сите им помагаше. Беше полна со енергија и таленти“, изјави по повод нејзината смрт Денис Пушилин, прорускиот лидер на регионот Донбас.

Проруските сепаратисти прогласија независност на Луганск и Доњецк уште во 2014 година. Но, рускиот претседател Владимир Путин официјално ја призна независноста на овие два региона на 21 февруари годинава. Марија дипломирала на музичката академија и била во брак со волонтерот Александар Херскулов.

Инаку, во сообраќајна несреќа во привремено окупираната источна украинска област Донецк загинаа 16 лица, а неколку се повредени, соопштија официјални и државни медиуми поддржани од Русија. Во несреќата учествувале минибус и камион, чии патници имало војници, а се случила меѓу Торез и Шахтарск, соопштија од службите за итни случаи за руската државна новинска агенција Тасс.