Земја во Африка може да ги раскара Истокот и Западот. 

Во Либија расте стравот од нови конфликти. Во последно време пристигнуваат алармантни предупредувања од различни меѓународни организации.

Секоја од двете либиски влади е поддржана од голем број странски сили. Владата на запад е поддржана од Турција, а онаа на исток од Египет, Обединетите Арапски Емирати и Русија.

Претходно, Обединетите Нации и други се залагаа за повлекување на различни земји кои поддржуваат една или друга влада, односно нивните војници од земјата.

Меѓутоа, како што објаснува експертот Емаедин Бади, висок соработник во Атлантскиот совет, кој се фокусира на Либија, присуството на странски земји всушност го спречува насилството во Либија.

„Иронично, единственото нешто што навистина го спречи враќањето на војната во полн обем таму беше странското влијание во земјата“, вели тој за Дојче Веле.

Мисијата за поддршка на Обединетите нации во Либија (УНСМИЛ) соопшти дека „со загриженост ја следи неодамнешната мобилизација на воени сили во различни делови на земјата“.