Руските власти нудат привилегии за Чеченец, кој е внук на чеченскиот лидер Рамзан Кадиров. 

Јакуб Закриев, внукот на Кадиров е нов шеф на руската филијала на „Данон“, откако Кремљ ѝ нареди на државата да воспостави привремена контрола врз работењето на францускиот производител на јогурт во Русија, пишува Ројтерс. Закриев е чеченски министер за земјоделство. 

„Ваквиот избор генерален директор на Данон Русија покажува дека претставниците на тимот на чеченскиот претседател и рускиот херој Рамзан Ахматович Кадиров се талентирани и успешни менаџери“, изјави на Телеграм Ахмед Дудаев, чеченски министер за национална политика, надворешни односи и информации.

Откако почна руската инвазија на Украина во 2022 година, многу западни компании ја напуштија Русија, а некои од нив и нивните средства се под државно управување.

фото: твитер/принтскрин