Здравствената состојба на основачот на „Викиликс“ Џулијан Асанж е полоша од ден на ден, а неименувани извори за „Блумберг“ изјавија дека се очекува во наредните недели да ја напушти амбасадата на Еквадор.

Асанж престојува во амбасадата од 2012 година и неговата слобода надвор од неа, не му е загарантирана. Тој може да биде приведен поради неплатени кауции во Лондон, а американските власти исто така имаат голем интерес за него.

Трпението на претседателот на Еквадор Ленин Морено е при крај, а сега откако е влошена здравствената состоба на Асанж, се прават дупли дипломатски напори за неговата слобода надвор од амбасадата.

Инаку, основачот на „Викиликс“ е во амбасадата на Еквадор во Лондон откако шведските власти го обвинија за сексуален напад. Иако ова обвинение е повлечено, сепак тој стравува дека Америка ќе го смести зад решетки, поради објавување на тајни дипломатски информации.