Властите во Израел побараа од своите граѓани веднаш да ја напуштат Турција поради опасност од напади. Израелските и турските безбедносни агенции минатиот месец открија ирански заговор за киднапирање израелски туристи во Турција и го спречија, според извештаите на медиумите во неделата.

„Џерусалим пост“ пишува дека Израел „драматично“ ја зголемил способноста на своите најмодерни борбени авиони да го нападнат Иран. Дека тоа е навистина така, сугерира и фактот што Израел неодамна интегрираше нова „паметна“ бомба во своите Ф-35. Станува збор за оружје од еден тон што може да го носи F-35 во својата внатрешност, а не ги нарушува „стелт“ карактеристиките на авионот, што е многу важен факт доколку имате намера незабележано да влезете на непријателска територија. Дека Израел многу активно се подготвува за потенцијална операција, говори и фактот дека неговите воздухопловни сили во последниот месец изведоа дури четири големи воени вежби над Медитеранот, при што нивните авиони симулираа удари со ракети со долг досег врз цели во Иран. Во вежбите се симулираше заобиколување на иранските радари и системи за рано откривање и предупредување. 

foto freepik.com