Американскиот производител на авиони „Боинг“ ќе плати 2,5 милијарди американски долари обештетување и казни поради фаталните несреќи на авионите од типот „737 Макс“ во Индонезија во 2018 година и во Етиопија во 2019 година.

Признавајќи ја својата одговорност за несреќите за кои се покажа дека се предизвикани од грешки во контролите на летот, компанијата потпиша договор за правно порамнување со Министерството за правда на САД.

Според договорот, Боинг се согласи да исплати надомест на семејствата на жртвите на несреќите и авиокомпании клиенти, како и да плати судска казна за регулаторна измама. Како што е соопштено, вкупните плаќања и казните за компензација на компанијата ќе бидат 2,5 милијарди долари.

Патничкиот авион „737 Макс 8“ е критикуван за несреќи предизвикани од производен дефект во системот за контрола на летот. Дефектот во системот за контрола на летот чинеше 346 животи

Во Индонезија, авионот „боинг“ на „Лав ерлајнс“ „737 Макс 8“ со број на лет „ЈТ 610“ се урна во морето на 29 октомври 2018 година, непосредно по полетувањето од Џакарта пред да се урне во близина на островот Суматра. Несреќата, во која загинаа 189 лица, влезе во историјата како „прва несреќа на овој вид авиони“.

Во меѓувреме, на 10 март 2019 година се урна и патничкиот авион на етиопската авиокомпанија Боинг „737 Макс 8“, кратко време по полетувањето од Адис Абеба кон Најроби, главниот град на Кенија, со кој животот го загубија 157 лица во авионот. По несреќата во Етиопија, многу земји, како Турција, Кина, Етиопија, Велика Британија, Германија, Франција, Холандија и Австрија, ја прекинаа работата на овој вид авиони и го затворија воздушниот простор за неговите летови.

Откриено е дека и двете несреќи се предизвикани од несовпаѓање на податоците помеѓу сензорите кои го регулираат аголот на полетување на леталото.