Висок руски воен функционер загина во експлозија на автомобил-бомба во Москва. 

Раководителот на одделот за ракетно-артилерија при руското Министерство за одбрана, Дамир Давидов, е убиен во експлозија на автомобил-бомба во руската населба Балашиха, објави денес рускиот портал „Медуза“ .

Експлозијата се случила во вторник наутро во Московскиот регион откако Давидов го запалил својот автомобил.

Очевидци изјавија дека тој сè уште бил жив по експлозијата и дека се обиделе да му пружат помош, по што починал.

Истражниот комитет и Обвинителството на Московскиот регион првично потврдија дека се случила експлозија во Балашиха, но не го именуваа починатиот возач, а исто така објавија дека е покрената кривична постапка.

Портпаролот на Кремљ, Дмитриј Песков, не даде дополнителни детали.

„Ова, секако, е прашање за нашите специјални служби“, рече тој, додавајќи дека и рускиот претседател Владимир Путин бил информиран за експлозијата.

Двајца тинејџери беа уапсени под сомнение за вмешаност во експлозијата.